Moskva Azərbaycan – Global Gazetesi https://globalgazetesi.com Wed, 06 Dec 2023 13:52:38 +0000 tr hourly 1 https://globalgazetesi.com/wp-content/uploads/2025/03/cropped-global-1-32x32.webp Moskva Azərbaycan – Global Gazetesi https://globalgazetesi.com 32 32 Azərbaycan nümayəndə heyəti Minskdəki 170 nömrəli məktəbdə olub https://globalgazetesi.com/az%c9%99rbaycan-numay%c9%99nd%c9%99-hey%c9%99ti-minskd%c9%99ki-170-nomr%c9%99li-m%c9%99kt%c9%99bd%c9%99-olub-h52176.html Wed, 06 Dec 2023 13:52:38 +0000 https://1453kralmedya.com/az%c9%99rbaycan-numay%c9%99nd%c9%99-hey%c9%99ti-minskd%c9%99ki-170-nomr%c9%99li-m%c9%99kt%c9%99bd%c9%99-olub-h52176.html

 

 

 

 

Azərbaycan nümayəndə heyəti Minskdəki 170 nömrəli məktəbdə olub

, 2023

Azərbaycan nümayəndə heyəti Minskdəki 170 nömrəli məktəbdə olub

 

 

 

Rusiyada fəaliyyət göstərən “Moskva Azərbaycanlılarının Milli-Mədəni Muxtariyyəti” regional ictimai təşkilatının rəhbərliyi Belarus Respublikasına səfər şərçivəsində Minsk şəhərindəki 170 nömrəli məktəbi ziyarət edib.

 

 

 

II Dünya müharibəsi dövründə Belarusun faşistlərdən azad olunması uğrunda döyüşlərdə şücaət göstərmiş Azərbaycan əsilli Sovet İttifaqı Qəhrəmanı, tankçı Nəcəfqulu Rəfiyevin adını daşıyan küçədə yerləşən məktəbin ziyarəti vətənimizin igid övladının xatirəsinin böyük ehtiramla yad edilməsi və memorial lövhəsinə güllərin düzülməsi ilə başlayıb.

 

 

 

 

Ənənəyə uyğun olaraq duz-şörəklə qarşılanan qonaqlar məktəbdəki Hərbi Şöhrət Muzeyi və muzeyin nəzdindəki Nəcəfqulu Rəfiyevin guşəsi ilə tanış olublar.

Sonra istedadlı belaruslu məktəblilərin ifasında xalq mahnılarından və vətənpərvərlik mövzusunda konsert proqramı təqdim edilib. Azərbaycanın görkəmli şairi Səməd Vurğunun şeirlərinin və bəstəkar Qəmbər Hüseynlinin populyar “Cücələrim” mahnısının Azərbaycan dilində səsləndirilməsi qonaqlarda məmnunluq doğurub.

 

 

 

 

Tədbir iştirakçıları qarşısında “Moskva Azərbaycanlılarının Milli-Mədəni Muxtariyyəti” regional ictimai təşkilatının sədri Bəxtiyar Həsənov, Nəcəfqulu Rəfiyevin qardaşı oğlu, vəkil Azər Rəfiyev, “Moskva Azərbaycanlılarının Milli-Mədəni Muxtariyyəti” regional ictimai təşkilatının sədr müavini Həşim Əliyev, Bakı Slavyan Universitetinin pedaqoji fakültəsinin dekanı, “Azərbaycanda rus dili və ədəbiyyatı” jurnalının baş redaktoru, əməkdar jurnalist, filologiya elmləri doktoru, professor Flora Naciyeva çıxış ediblər. Onlar səmimi görüşə və Belarus torpağında azərbaycanlı qəhrəmanların xatirəsinə göstərilən diqqətə görə minnətdarlıqlarını bildiriblər və xoş arzularını çatdırıblar.

 

 

 

 

Məktəbə Nəcəfqulu Rəfiyevin adının verilməsi ideyası, eləcə də Azərbaycanın Ordubad (qəhrəmanın doğma yurdu) və Belarusun Baranoviçi (qəhrəmanlıq məkanı) şəhərlərinin qardaşlaşması təşəbbüsü irəli sürülüb.

 

 

 

 

Azərbaycan nümayəndə heyətinin adından məktəbin direktoru Yelena Ryabovaya xalqlar dostluğunun rəmzi olan xatirə hədiyyəsi təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-numayende-heyeti-minskdeki-170-nomreli-mektebde-olub-3881

 

 

 

]]>