tədbirlər – Global Gazetesi https://globalgazetesi.com Fri, 26 May 2023 13:50:17 +0000 tr hourly 1 https://globalgazetesi.com/wp-content/uploads/2025/03/cropped-global-1-32x32.webp tədbirlər – Global Gazetesi https://globalgazetesi.com 32 32 Daşkənddə Heydər Əliyevin 100 illik yubileyinə həsr olunmuş tədbirlər keçirilib https://globalgazetesi.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-t%c9%99dbirl%c9%99r-kecirilib-h45735.html Fri, 26 May 2023 13:50:17 +0000 https://1453kralmedya.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-t%c9%99dbirl%c9%99r-kecirilib-h45735.html

 

 

 

 

Daşkənddə Heydər Əliyevin 100 illik yubileyinə həsr olunmuş tədbirlər keçirilib
, 2023
Əlişir Nəvai adına Daşkənd Dövlət Özbək dili və Ədəbiyyatı Universitetində müasir Azərbaycan dövlətinin qurucusu Heydər Əliyevin anadan olmasının 100 illiyi və Özbəkistanda Azərbaycan Milli Mədəniyyət Mərkəzinin 20 illiyi münasibətilə “Özbəkistan və Azərbaycan arasında inkişaf tarixi, yeni dövr və əməkdaşlıq perspektivləri” mövzusunda beynəlxalq elmi-praktik konfrans təşkil edilib.

Daşkənddə Heydər Əliyevin 100 illik yubileyinə həsr olunmuş tədbirlər keçirilib
Əlişir Nəvai adına Daşkənd Dövlət Özbək dili və Ədəbiyyatı Universitetində müasir Azərbaycan dövlətinin qurucusu Heydər Əliyevin anadan olmasının 100 illiyi və Özbəkistanda Azərbaycan Milli Mədəniyyət Mərkəzinin 20 illiyi münasibətilə “Özbəkistan və Azərbaycan arasında inkişaf tarixi, yeni dövr və əməkdaşlıq perspektivləri” mövzusunda beynəlxalq elmi-praktik konfrans təşkil edilib.

Tədbir Diasporla İş üzrə Dövlət Komitəsinin və Özbəkistanın Millətlərarası münasibətlər və xarici ölkələrlə dostluq əlaqələri Komitəsinin birgə dəstəyi və Azərbaycan Milli Mədəniyyət Mərkəzinin təşkilatçılığı ilə həyata keçirilib.

Tədbir iştirakçılarını və qonaqları salamlayan hər iki ölkənin Komitə sədrləri Rustambek Qurbanov və Fuad Muradov, çıxışlarında elmə, ədəbiyyata və mədəniyyətə böyük dəyər verən, xalqların və ölkələrin dostluğunda xüsusi töhfəsi olan görkəmli dövlət xadimi Heydər Əliyevin xidmətlərindən bəhs edib, onun xatirəsinin dərin hörmətlə və ehtiramla xatırlandığını bildiriblər. Konfransda “Heydər Əliyev fenomeni”, “Heydər Əliyev və Azərbaycanın ərazi bütövlüyü məsələsi”, “Heydər Əliyev – özbək xalqının əbədi dostu”, “Qardaş xalqların əlaqələrinin möhkəmləndirilməsində Özbəkistan-Azərbaycan Dostluq Cəmiyyətinin rolu”, “Azərbaycan dilindən özbək dilinə tərcümə olunmuş əsərlər və onların mənası” mövzularında məruzələr səsləndirilib.

Çıxışçılar arasında Özbəkistan Yazıçılar Birliyinin üzvü, ədəbiyyatşünas Bobohan Məhəmməd Şərif, AMEA Tarix İnstitutunun icraçı direktoru İlqar Niftəliyev, fəlsəfə elmləri doktoru, professor Cəmilə Şerməhəmmədova, Özbəkistan-Azərbaycan Dostluq Cəmiyyətinin icraçı direktoru Erkin Nuriddinov, Özbəkistan Dövlət Dünya Dilləri Universitetinin professoru Tohir Kahhorov, Azərbaycan Mədəniyyət Mərkəzinin direktoru Samir Abbasov və yer alıblar. Ədəbiyyatşünas Bobohan Məhəmməd Şərifin və professor Cəmilə xanım Şerməhəmmədovanın ulu öndər Heydər Əliyev haqqında xoş xatirələri, onun iki xalqın və ölkənin dostluq əlaqələrindəki misilsiz rolu haqqında nitqləri tədbir iştirakçıları tərəfindən xüsusi maraqla qarşılanıb. Onların xalqların dostluğu, qardaşlığı haqqında səsləndirdiyi “Özbəkistanda 36 milyon azərbaycanlı, Azərbaycanda isə 10 milyon özbək soydaşımız var!”, “Özbəkistan və Azərbaycan xalqlarının dostluğu, qardaşlığı dərin tarixi köklərə əsaslanır və bütün dünyaya nümunədir!” fikirləri tədbir iştirakçıkarı tərəfindən alqışlarla qarşılanıb.

Növbəti görüş dahi Azərbaycan mütəfəkkiri, şair Nizami Gəncəvinin adını daşıyan Daşkənd Dövlət Pedaqoji Universitetində keçirilib. Komitə sədri müəllim-tələbə kollektivi ilə birlikdə universitetdə ucaldılmış Nizami Gəncəvinin abidəsini ziyarət edib, universitetdə fəaliyyət göstərən mərkəzlərlə tanış olub. Universitet rəhbərliyi Azərbaycan dilinin və ədəbiyyatının təbliği istiqamətində həyata keçirilən işlər, azərbaycan və özbək dillərinə tərcümə və nəşr edilən kitablar barədə qonaqları məlumatlandırıb. Daha sonra universitetin müəllim-tələbə kollektivi ilə keçirilən görüş qarşılıqlı fikir mübadiləsi, təqdimatlarla davam edib, gələcəkdə birgə layihələr müzakirə edilib.

Özbəkistanda ulu öndərin 100 illik yubileyinə həsr edilmiş digər tədbir isə Azərbaycan Mədəniyyət Mərkəzində təşkil edilib. Diasporla İş üzrə Dövlət Komitəsinin təşkilati dəstəyi ilə baş tutan tədbirdə Özbəkistanın dövlət və hökumət nümayəndələri, mədəniyyət və incəsənət xadimləri, ziyalılar, Azərbaycan icmasının üzvləri, tələbə və gənclər iştirak ediblər.

 

 

 

 

Tədbiri giriş sözü ilə açan Mədəniyyət Mərkəzinin direktoru Samir Abbasov Azərbaycan xalqının ümummilli liderinin Türk Dünyası, o cümlədən Özbəkistanla dövlətlərarası əlaqələrin və əməkdaşlığın qurulmasında və inkişafında xidmətlərini qeyd edib. Daha sonra çıxış edən Diasporla İş üzrə Dövlət Komitəsinin sədri Fuad Muradov Heydər Əliyevin ictimai-siyasi fəaliyyətindən, Azərbaycan dövlətçilik tarixindəki rolundan, onun xaricdə yaşayan azərbaycanlılara qarşı xüsusi diqqətindən söz açıb, Azərbaycan diasporunun məhz ulu öndərin hakimiyyəti dövründə formalaşdığından danışıb, ümummilli liderin diaspor siyasətinin dövlətçiliyimizdə əsas istiqamətlərdən biri hesab etdiyini xüsusi vurğulayıb.

Özbəkistanın Mədəniyyət və Turizm Nazirliyi nəzdində Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Qurbanov da çıxışında Azərbaycan xalqının ümummilli liderinin Özbəkistanda hörmət və ehtiramla xatırlandığını, onun xatirəsinə həsr edilmiş tədbirlərin keçirildiyini diqqətə çatdırdı.

“Dostluq” adlı konsert proqramı Özbəkistan Xalq Çalğı Alətləri Kamera Orkestrinin ifasında görkəmli Azərbaycan bəstəkarlarının musiqilərinin nümayişi ilə davam edib.

Qeyd edək ki, Özbəkistana səfəri çərçivəsində Komitə sədri Fuad Muradov paytaxt Daşkəndin Xalqlar Dostluğu meydanında Şahəhməd Şahmahmudov ailəsinin şərəfinə ucaldılmış abidəni ziyarət edib, Özbəkistanda yerli və akkreditə olunmuş xarici ölkələrin media orqanlarına müsahibə verib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskendde-heyder-eliyevin-100-illik-yubileyine-hesr-olunmus-tedbirler-kecirilib-2994

 

 

]]> Soçi və Murmanskda Heydər Əliyevin 100 illiyi münasibətilə tədbirlər təşkil edilib https://globalgazetesi.com/soci-v%c9%99-murmanskda-heyd%c9%99r-%c9%99liyevin-100-illiyi-munasib%c9%99til%c9%99-t%c9%99dbirl%c9%99r-t%c9%99skil-edilib-h45364.html Wed, 17 May 2023 07:12:01 +0000 https://1453kralmedya.com/soci-v%c9%99-murmanskda-heyd%c9%99r-%c9%99liyevin-100-illiyi-munasib%c9%99til%c9%99-t%c9%99dbirl%c9%99r-t%c9%99skil-edilib-h45364.html

 

 

Soçi və Murmanskda Heydər Əliyevin 100 illiyi münasibətilə tədbirlər təşkil edilib

2023
Soçi və Murmanskda Heydər Əliyevin 100 illiyi münasibətilə tədbirlər təşkil edilib
Rusiyanın Soçi və Murmansk şəhərlərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş tədbirlər keçirilib.

“Azərbaycan Həmvətənlərə “Dostluq” Dəstək Mərkəzi” Soçi şəhər ictimai təşkilatı tərəfindən Gənclər Mərkəzində təşkil olunan tədbirdə diaspor fəalları iştirak ediblər.

Tədbir iştirakçılarını salamlayan “Dostluq” ictimai təşkilatının sədri İlqar Səlimov xalqımızın dahi şəxsiyyətinin müasir Azərbaycan dövlətinin möhkəmləndirilməsi və dinamik inkişafı naminə göstərdiyi əvəzsiz və misilsiz xidmətlətə diqqəti cəlb edib.

Sonra Heydər Əliyevin həyat və fəaliyyətini əks etdirən sənədli film nümayiş etdirilib.

Tədbir azərbaycanlı məktəblilərin ifasında Heydər Əliyevə və Azərbaycana həsr olunmuş şeirlərin səsləndirilməsi ilə yekunlaşıb.

Murmansk vilayətinin “Azərbaycan Mədəbiyyət Mərkəzi” ictimai təşkilatı tərəfindən Murmansk şəhərində təşkil edilmiş tədbirdə Azərbaycan diasporunun və yerli ictimaiyyətin nümayəndələri iştirak ediblər.

 

 

 

Tədbirdə çıxış edən “Azərbaycan Mədəniyyət Mərkəzi”nin sədri Afil Hüseynov və başqaları bu günlərdə xalqımızın ümumilli liderinin əziz xatirəsinin Rusiyada da böyük ehtiramla yad edildiyinə diqqəti cəlb ediblər. Heydər Əliyevin müasir Azərbaycan dövlətinin güclənməsi və dinamik inkişafının əsasının qoyulmasında, beynəlxalq aləmdə nüfuzunun artırılmasında, iki ölkə arasında ikitərəfli münasibətlərinin möhkəmləndirilməsində göstərdiyi əvəzsiz və misilsiz xidmətlər nəzərə çatdırılıb. Onun xaricdə yaşayan soydaşlarımıza xüsusi həssaslıqla yanaşdığı vurğulanıb.

Tədbir bədii proqramla davam edib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/soci-ve-murmanskda-heyder-eliyevin-100-illiyi-munasibetile-tedbirler-teskil-edilib-2961

 

 

]]> Ulyanovsk şəhərində Heydər Əliyevə həsr olunmuş silsilə tədbirlər təşkil edilib https://globalgazetesi.com/ulyanovsk-s%c9%99h%c9%99rind%c9%99-heyd%c9%99r-%c9%99liyev%c9%99-h%c9%99sr-olunmus-silsil%c9%99-t%c9%99dbirl%c9%99r-t%c9%99skil-edilib-h45207.html Sat, 13 May 2023 19:54:33 +0000 https://1453kralmedya.com/ulyanovsk-s%c9%99h%c9%99rind%c9%99-heyd%c9%99r-%c9%99liyev%c9%99-h%c9%99sr-olunmus-silsil%c9%99-t%c9%99dbirl%c9%99r-t%c9%99skil-edilib-h45207.html

 

 

 

Ulyanovsk şəhərində Heydər Əliyevə həsr olunmuş silsilə tədbirlər təşkil edilib
, 2023
Ulyanovsk şəhərində Heydər Əliyevə həsr olunmuş silsilə tədbirlər təşkil edilib
Rusiyanın Ulyanovsk şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə silsilə tədbirlər keçirilib.

“Ulyanovsk Regional Azərbaycan Milli-Mədəni Muxtariyyəti” ictimai təşkilatı tərəfindən təşkil olunan tədbirlərdə Azərbaycan Milli Məclisi, Diasporla İş üzrə Dövlət Komitəsi, Elm və Təhsil Nazirliyi, Gənclər və İdman Nazirliyi təmsilçilərinin daxil olduğu nümayəndə heyəti, yerli hakimiyyətin rəsmi şəxsləri, Ulyanovsk şəhər Dumasının deputatları, yerli ictimaiyyətin nümayəndələri, Ulyanovsk və Privoljsk Federal Dairəsi üzrə Azərbaycan diaspor təşkilatlarının rəhbərləri və fəalları iştirak ediblər.

Tədbirlər Heydər Əliyevin adını daşıyan 78 saylı orta məktəbin fəaliyyəti ilə tanışlıqdan başlayıb. Qonaqlar Heydər Əliyevin həyat və fəaliyyətinə həsr olunmuş dərsi izləyiblər. Məktəblilərin ifasında Azərbaycan dilində şeirlər səsləndirilib, milli rəqslərimiz nümayiş etdirilib. Qeyd edək ki, Heydər Əliyev Fondunun layihəsi əsasında əsaslı təmir olunmuş məktəbdə Azərbaycan tarixini və mədəniyyətini əks etdirən muzey də fəaliyyət göstərir.

Heydər Əliyev adına meydanda davam etdirilən tədbir zamanı xalqımızın ümummilli liderinin burada ucaldılmış heykəli ziyarət olunub. Abidənin önünə güllər düzülüb və dahi şəxsiyyətin əziz xatirəsi böyük ehtiramla yad edilib.

Abidənin önündə çıxış edən Ulyanovsk şəhər dumasının sədri İlya Nojeçkin bildirib ki, Heydər Əliyev təkcə siyasi və dövlət xadimi kimi deyil, həm də Azərbaycan-Rusiya münasibətlərinin möhkəmləndirilməsində və inkişafında çox böyük rol oynayan şəxsiyyət kimi tarixdə qalıb. “Heydər Əliyev Ulyanovska dəfələrlə gəlmişdi. O, Ulyanovskda “Aleksandr Suvorov” motorlu gəmisinin qəzasının səbəblərini araşdırmaq və nəticələrinin aradan qaldırılması üzrə dövlət komissiyasına rəhbərlik edib, 1984-cü ildə Prezident körpüsünün tikintisi ilə bağlı qərarın qəbulunda fəal iştirak edib”, – deyə spiker xatırladıb.

Diasporla İş üzrə Dövlət Komitəsinin sədri Fuad Muradovun adından tədbir iştirakçılarını salamlayan Komitə sədrinin müavini Vaqif Seyidbəyov xalqımız üçün böyük əhəmiyyət daşıyan tarixi gündə silsilə tədbirlərin təşkilinə görə vilayət rəhbərliyinə və “Ulyanovsk Regional Azərbaycan Milli-Mədəni Muxtariyyəti” ictimai təşkilatının sədri İslam Hüseynova minnətdarlığını bildirib. Prezident İlham Əliyevin müvafiq sərəncamı əsasında 2023-cü ilin “Heydər Əliyev İli” elan olunduğunu, Azərbaycanda və dünyanın müxtəlif ölkələrində dahi şəxsiyyətə həsr olunmuş tədbirlərin keçirildiyini vurğulayıb. Heydər Əliyevin fərmanı ilə 2002-ci ildə yaradılmış Komitənin hazırda dünyanın müxtəlif ölkələrində ulu öndərə həsr olunmuş silsilə tədbirlərdə iştirak etdiyini söyləyib. Komitənin dünyanın 70 ölkəsində fəaliyyət göstərən Azərbaycan diaspor təşkilatları ilə əməkdaşlıq etdiyini vurğulayan sədr müavini qeyd edib ki, bu işlərin əsasında Heydər Əliyevin müdrikliyi, uzaqgörənliyi və Azərbaycançılıq ideologiyasını inkişaf etdirməsi dayanır. “Burada Heydər Əliyev şəxsiyyətinin böyüklüyündən, irimiqyası fəaliyyətindən danışıldı. Azərbaycanla Rusiya arasında qarşılıqlı münasibətlər barədə müsbət fikirləri dinlədik. Əlbəttə, bu, müasir Azərbaycan dövlətinin memarı Heydər Əliyevin əsasını qoyduğu siyasi irsdən irəli gəlir. Düşünürəm ki, Azərbaycan diasporu bu qarşılıqlı əlaqələrin daha da inkişaf etməsində körpü rolunu oynayır”, – deyə sədr müavini nəzərə çatdırıb.

Milli Məclisin üzvü Emin Hacıyev Azərbaycan parlamentinin sədri Sahibə Qafarovanın salamını tədbir iştirakçılarına çatdırıb: “Bu əhəmiyyətli gündə – Azərbaycan xalqının ümummilli lideri Heydər Əliyevin 100 illik yubileyində burada olmaq çox xoşdur. Bu gün onun böyük uzaqgörənliklə və müdrikliklə müəyyənləşdirdiyi daxili və xarici siyasət Azərbaycan Prezidenti İlham Əliyev tərəfindən böyük uğurla davam etdirilir. Biz Azərbaycanın böyük oğlunun xatirəsini ehtiramla xatırlayan hər bir Ulyanovsk sakininə minnətdarıq”.

“Ulyanovsk Regional Azərbaycan Milli-Mədəni Muxtariyyəti” ictimai təşkilatının sədri İslam Hüseynov bildirib ki, Azərbaycan xalqının böyük oğlu Heydər Əliyevin Rusiyada ilk abidəsi bu şəhərdə ucaldılıb: “Heydər Əliyev kimi qüdrətli şəxsiyyət təkcə Azərbaycanın taleyində deyil, həm də Rusiya ilə yeni mehriban qonşuluq münasibətlərinin qurulmasında çox böyük rol oynayıb. 30 il əvvəl biz bu məsələnin nə qədər ciddi olduğunu başa düşmürdük. Lakin Heydər Əliyev bütün riskləri aydın görür, ona görə də ədaləti, hörməti, xoş niyyəti dövlət siyasətinin əsasına qoyurdu. Rusiya ilə səmimi və xoş münasibətlər Heydər Əliyev irsinin böyük bir hissəsidir. Bu, onun böyük xidmətləridir, buna görə biz həmişə minnətdar olacağıq”.

Diaspor rəhbəri tədbirin təşkilində və keçirilməsində göstərdikləri dəstəyə görə Ulyanovsk vilayətinin qubernatoru Aleksey Russkixə və komandasına təşəkkür edib.

Sonra “Yeni nəsil” idman-sağlamlıq kompleksində Heydər Əliyevin yubileyinə həsr olunmuş cüdo üzrə “Xalqlar Dostluğu Kuboku” regionlararası turnir keçirilib. Turnirdə Rusiyanın 15 regionundan 350-dən çox idmançı iştirak edib. Tədbirin açılış mərasimində çıxış edən MM üzvü Emin Hacıyev bildirib ki, bu qədər güclü gəncin ümummilli liderimiz Heydər Əliyevin adı ətrafında bir araya gəlməsi təsiredici amildir: “Belə addımlar xalqları yaxınlaşdırır, ölkələrə dostluq etməkdə kömək edir”.

 

 

 

 

Turnirin sonunda qaliblərə kubok və mükafatlar təqdim olunub.

Ulyanovsk vilayətinin qubernatoru Aleksey Russkixlə Azərbaycan nümayəndə heyətinin görüşündə Heydər Əliyevin müasir Azərbaycan dövlətinin möhkəmləndirilməsində, ölkələrimiz arasında ikitərəfli münasibətlərinin inkişafında misilsiz və əvəzsiz xidmətlər göstərməsindən danışılıb. “Biz Ulyanovsk vilayətinə misilsiz yardım göstərən görkəmli siyasi xadiminin xatirəsini ehtiramla yad edirik”, – deyə Aleksey Russkix bildirib.

Ulyanovskdakı Azərbaycan diasporunun fəaliyyətini yüksək qiymətləndirən qubernator azərbaycanlıların yerli cəmiyyətə inteqrasiyasının səviyyəsindən məmnun olduğunu söyləyib.

Təhsil, gənclər və idman sahələrində müştərək layihələrin həyata keçirilməsi barədə fikir mübadiləsi aparılıb. Azərbaycan nümayəndə heyədtinin adından qubernatora xatirə hədiyyələri təqdim edilib.

FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:http://diaspor.gov.az/az/news-detail/ulyanovsk-seherinde-heyder-eliyeve-hesr-olunmus-silsile-tedbirler-teskil-edilib-2935

 

 

]]> Əhalinin sosial rifahının yaxşılaşdırılması sahəsində əlavə tədbirlər haqqında Azərbaycan Respublikası Prezidentinin Sərəncamı https://globalgazetesi.com/%c9%99halinin-sosial-rifahinin-yaxsilasdirilmasi-sah%c9%99sind%c9%99-%c9%99lav%c9%99-t%c9%99dbirl%c9%99r-haqqinda-az%c9%99rbaycan-respublikasi-prezidentinin-s%c9%99r%c9%99ncami-h39381.html Fri, 06 Jan 2023 15:28:16 +0000 https://1453kralmedya.com/%c9%99halinin-sosial-rifahinin-yaxsilasdirilmasi-sah%c9%99sind%c9%99-%c9%99lav%c9%99-t%c9%99dbirl%c9%99r-haqqinda-az%c9%99rbaycan-respublikasi-prezidentinin-s%c9%99r%c9%99ncami-h39381.html

 

 

 

Əhalinin sosial rifahının yaxşılaşdırılması sahəsində əlavə tədbirlər haqqında Azərbaycan Respublikası Prezidentinin Sərəncamı

Resim

Ölkə əhalisinin sosial müdafiəsinin gücləndirilməsi aparılan sosial-iqtisadi siyasətin mühüm prioritetlərindən biridir. Son illərdə bu istiqamətdə ciddi irəliləyişlərə nail olunmuş, əhalinin sosial müdafiəsinin gücləndirilməsi, sosial ödənişlərin, əməkhaqlarının artırılması istiqamətində ardıcıl addımlar atılmışdır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, əhalinin rifahının qorunması sahəsində tədbirlərin davam etdirilməsi məqsədilə qərara alıram:

1. Minimum aylıq əməkhaqqının məbləği 2023-cü il yanvarın 1-dən 345 manat müəyyən edilsin.

2. Azərbaycan Respublikasının Nazirlər Kabineti:

2.1. 10 gün müddətində:

2.1.1. əmək pensiyasının minimum məbləğinin 280 manata çatdırılmasına dair təkliflərini Azərbaycan Respublikasının Prezidentinə təqdim etsin;

2.1.2. sosial müavinətlərin və təqaüdlərin məbləğlərinin artırılması ilə bağlı təkliflərini Azərbaycan Respublikasının Prezidentinə təqdim etsin;

2.2. Azərbaycan Respublikası Nazirlər Kabinetinin aktları ilə müəyyən olunmuş dövlət büdcəsindən maliyyələşdirilən sahələrdə çalışan işçilərin aylıq tarif (vəzifə) maaşlarının məbləğlərinin bir ay müddətində bu Sərəncamın 1-ci hissəsinə uyğunlaşdırılmasını təmin edib Azərbaycan Respublikasının Prezidentinə məlumat versin;

2.3. bu Sərəncamdan irəli gələn digər məsələləri həll etsin.

3. “Minimum aylıq əməkhaqqının məbləğinin artırılması və “Minimum aylıq əməkhaqqının artırılması haqqında” Azərbaycan Respublikası Prezidentinin 2019-cu il 18 iyun tarixli 1265 nömrəli Sərəncamında dəyişiklik edilməsi barədə” Azərbaycan Respublikası Prezidentinin 2021-ci il 17 dekabr tarixli 3051 nömrəli Sərəncamının (Azərbaycan Respublikasının Qanunvericilik Toplusu, 2021, № 12, maddə 1464) 1-ci hissəsi ləğv edilsin.

4. Bu Sərəncamın 1-ci və 3-cü hissələri 2023-cü il yanvarın 1-dən tətbiq edilir.

İlham Əliyev

Azərbaycan Respublikasının Prezidenti

Bakı şəhəri, 5 yanvar 2023-cü il

BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/58529

 

 

]]>