Yaponiya – Global Gazetesi https://globalgazetesi.com Thu, 13 Jun 2024 08:54:25 +0000 tr hourly 1 https://globalgazetesi.com/wp-content/uploads/2025/03/cropped-global-1-32x32.webp Yaponiya – Global Gazetesi https://globalgazetesi.com 32 32 Komitə sədri Türkiyənin Yaponiyadakı Səfirliyində, Sasakava Sülh Fondunda və Yunus Emre İnstitutunun Tokio nümayəndəliyində olub https://globalgazetesi.com/komit%c9%99-s%c9%99dri-turkiy%c9%99nin-yaponiyadaki-s%c9%99firliyind%c9%99-sasakava-sulh-fondunda-v%c9%99-yunus-emre-institutunun-tokio-numay%c9%99nd%c9%99liyind%c9%99-olub-h58094.html Thu, 13 Jun 2024 08:54:25 +0000 https://1453kralmedya.com/komit%c9%99-s%c9%99dri-turkiy%c9%99nin-yaponiyadaki-s%c9%99firliyind%c9%99-sasakava-sulh-fondunda-v%c9%99-yunus-emre-institutunun-tokio-numay%c9%99nd%c9%99liyind%c9%99-olub-h58094.html

Komitə sədri Türkiyənin Yaponiyadakı Səfirliyində, Sasakava Sülh Fondunda və Yunus Emre İnstitutunun Tokio nümayəndəliyində olub

13 iyun, 2024

 

 

 

Komitə sədri Türkiyənin Yaponiyadakı Səfirliyində, Sasakava Sülh Fondunda və Yunus Emre İnstitutunun Tokio nümayəndəliyində olub
Yaponiyada səfərdə olan Azərbaycan Respublikasının Diasporla İş üzrə Dövlət Komitəsinin sədri Fuad Muradov Türkiyənin bu ölkədəki səfiri Korkut Güngen ilə görüşüb.

Qonağı səmimi salamlayan səfir Yaponiyadakı türk icmasının üzvlərinin sayının ildən-ilə artdığını bildirib.

Görüşdə komitənin fəaliyyəti, həyata keçirdiyi layihələr və Yaponiyadakı Azərbaycan icması barədə məlumat verən sədr bir çox sahələrdə olduğu kimi, diaspor və lobbiçilik sahəsində də Azərbaycan-Türkiyə əməkdaşlığının “bir millət, iki dövlət” fəlsəfəsinə uyğun davam etdirildiyini bildirib. Xarici ölkələrdə Azərbaycan və Türkiyə icmalarının birgə fəaliyyətindən məmnunluq ifadə olunub.

Görüşdə Azərbaycanın Yaponiyadakı səfiri Gursel İsmayılzadə və Azərbaycan-Yaponiya Dostluq Mərkəzinin rəhbəri Xəlil Kələntər də iştirak edib.

Növbəti görüş Yunus Emre İnstitutunun Tokio nümayəndəliyində keçirilib. Nümayəndəliyin rəhbəri Hüseyn Umit Tuna həyata keçirdikləri layihələr barədə məlumat verib, Yaponiyadakı Azərbaycan icması ilə əməkdaşlıqda maraqlı olduqlarını bildirib.

Diasporla İş üzrə Dövlət Komitəsinin və Azərbaycan Diasporuna Dəstək Fondunun fəaliyyətindən söz açan sədr bütün dünyada Azərbaycan icmasının türk icması ilə sıx əməkdaşlıq etdiyini, Vətən müharibəsi dövründə bunun uğurlu nəticələr verdiyini vurğulayıb, komitənin nəşrlərini Yunus Emre İnstitutunun Tokio nümayəndəliyinə hədiyyə edib. Görüşdə Azərbaycan-Yaponiya Dostluq Mərkəzinin sədri, professor Xəlil Kələntər də iştirak edib.

 

 

 

 

Komitə sədri Sasakava Sülh Fondunun sədri cənab Yohei Sasakava ilə də görüşüb. Qonağı səmimi salamlayan Yohei Sasakava dünyada sülhün vacibliyindən söz açıb, fondun fəaliyyətindən və münaqişələrdən əziyyət çəkən insanlara göstərdiyi yardımlardan bəhs edib.

Görüşdə komitənin fəaliyyəti və həyata keçirdiyi layihələr barədə məlumat verən sədr xaricdə yaşayan azərbaycanlıların yerli cəmiyyətlərə inteqrasiyası məqsədilə görülən işləri nəzərə çatdırıb. Multikultural və tolerant cəmiyyətə malik Azərbaycanın uzun illər Ermənistanın təcavüzündən əziyyət çəkdiyi, Azərbaycan Ordusunun 30 illik işğala Müzəffər Ali Baş Komandan İlham Əliyevin rəhbərliyi ilə 44 gün ərzində son qoyduğu vurğulanıb.

Görüş qarşılıqlı hədiyyələrin təqdim olunması və xatirə fotosunun çəkilməsi ilə başa çatıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-sedri-turkiyenin-yaponiyadaki-sefirliyinde-sasakava-sulh-fondunda-ve-yunus-emre-institutunun-tokio-numayendeliyinde-olub-4857

 

]]> Yaponiyada azərbaycanlı pianoçu Gülnarə Səfərovanın konserti keçirilib https://globalgazetesi.com/yaponiyada-az%c9%99rbaycanli-pianocu-gulnar%c9%99-s%c9%99f%c9%99rovanin-konserti-kecirilib-h58053.html Tue, 11 Jun 2024 06:45:25 +0000 https://1453kralmedya.com/yaponiyada-az%c9%99rbaycanli-pianocu-gulnar%c9%99-s%c9%99f%c9%99rovanin-konserti-kecirilib-h58053.html

Yaponiyada azərbaycanlı pianoçu Gülnarə Səfərovanın konserti keçirilib
, 2024
Yaponiyada azərbaycanlı pianoçu Gülnarə Səfərovanın konserti keçirilib

Yaponiyanın Kanaqava əyalətinin Yokohama şəhərində bu ölkədə yaşayan azərbaycanlı pianoçu Gülnarə Səfərovanın konserti keçirilib.

 

 

 

 

Konsert Azərbaycan Respublikasının Diasporla İş üzrə Dövlət Komitəsinin və “Zen On” musiqi nəşriyyatının dəstəyi, Azərbaycanın Yaponiyadakı Səfirliyinin informasiya dəstəyi ilə “Kenmin Hall” salonunda gerçəkləşib.

Diasporla İş üzrə Dövlət Komitəsinin sədri Fuad Muradov çıxışında Azərbaycan mədəniyyətinin və incəsənətinin təbliği istiqamətində komitənin Yaponiyada həyata keçirdiyi layihələr barədə ətraflı məlumat verib, Azərbaycan musiqisinə göstərdikləri diqqətə görə tamaşaçılara minnətdarlığını bildirib. Onun sözlərinə görə, ölkələrimiz məsafə baxımından uzaq olsa da, mədəniyyət bizi birləşdirir. Qeyd edib ki, Yaponiyada Azərbaycanın çox istedadlı təmsilçiləri var və pianoçu Gülnarə Səfərova da onlardan biridir. Dahi Azərbaycan bəstəkarı Qara Qarayevin əsərlərinin gündoğar ölkədə çapını yapon və Azərbaycan klassik musiqi əlaqələrinin daha da genişlənməsində vacib addım adlandıran sədr bu layihənin başlanğıcını qoyan Gülnarə Səfərovaya təşəkkür edib.

Daha sonra pianoçular Gülnarə Səfərovanın və Kosuke Naranın ifasında Azərbaycan bəstəkarları Qara Qarayevin və Xədicə Zeynalovanın, eləcə də N.Metnerin, B.Bartokun və K.Sen-Sansın bəstələri səsləndirilib. Anşlaqla keçən konsert tamaşaçıların sürəkli alqış sədaları altında başa çatıb.

Qeyd edək ki, konsert çərçivəsində Gülnarə Səfərovanın “Tovuz quşunun nəğmələri” kitabının təqdimat mərasimi də keçirilib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yaponiyada-azerbaycanli-pianocu-gulnare-seferovanin-konserti-kecirilib-4832

 

]]> Avstraliya azərbaycanlıları Türkiyə-Yaponiya dostluğuna həsr olunmuş konsertdə iştirak edib https://globalgazetesi.com/avstraliya-az%c9%99rbaycanlilari-turkiy%c9%99-yaponiya-dostluguna-h%c9%99sr-olunmus-konsertd%c9%99-istirak-edib-h57240.html Sat, 11 May 2024 12:05:10 +0000 https://1453kralmedya.com/avstraliya-az%c9%99rbaycanlilari-turkiy%c9%99-yaponiya-dostluguna-h%c9%99sr-olunmus-konsertd%c9%99-istirak-edib-h57240.html

Avstraliya azərbaycanlıları Türkiyə-Yaponiya dostluğuna həsr olunmuş konsertdə iştirak edib

2024

Avstraliya azərbaycanlıları Türkiyə-Yaponiya dostluğuna həsr olunmuş konsertdə iştirak edib

 

 

 

 

Sidneydə məşhur yapon bəstəkarı və dirijoru Seiji Mukaiyamanın Türkiyə-Yaponiya dostluğuna həsr edilmiş “Dünyada sülhə çağırış” adlı konsert proqramı təşkil edilib.

Ölkə rəsmiləri və işgüzar dairələrin nümayəndələri, Avstraliyada akkreditə olunmuş diplomatik missiya rəhbərləri də daxil olmaqla 3 minə yaxın tamaşaçının qatıldığı konsert proqramı Türk Hava Yollarının dəstəyi və təşkilatçılığı ilə “Opera House”da baş tutub.

Seiji Mukaiyama tərəfindən bəstələnmiş “Dostluq” adlı simfonik əsərin iki hissədən ibarət kompozisiyalarını dinləyənlər arasında Avstraliya Azərbaycanlıları Alyansının idarə heyətinin üzvləri də olub.

Konsert ilk hissəsi Türkiyə Hava Yollarının 1985-ci ildə İran-İraq müharibəsinin başlamasından iki saat əvvəl Tehran aeroportunda çətin vəziyyətdə qalmış Yaponiya vətəndaşlarını təxliyə etməsinə, ikinci hissəsi isə 1890-cı ildə Yaponiya sahillərində fırtına zamanı faciəvi şəkildə batan “Ertuğrul” türk gəmisinin sağ qalmış heyətinin yaponiyalılar tərəfindən xilasına həsr olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/avstraliya-azerbaycanlilari-turkiye-yaponiya-dostluguna-hesr-olunmus-konsertde-istirak-edib-4628

]]> Yaponiyanın Tanabe şəhərində Novruz bayramı qeyd edilib https://globalgazetesi.com/yaponiyanin-tanabe-s%c9%99h%c9%99rind%c9%99-novruz-bayrami-qeyd-edilib-h55780.html Sat, 30 Mar 2024 18:20:49 +0000 https://1453kralmedya.com/yaponiyanin-tanabe-s%c9%99h%c9%99rind%c9%99-novruz-bayrami-qeyd-edilib-h55780.html

Yaponiyanın Tanabe şəhərində Novruz bayramı qeyd edilib

2024

 

 

 

 

Yaponiyanın Tanabe şəhərində Novruz bayramı qeyd edilib

Yaponiyanın Tanabe şəhərində həmyerlimiz Minarə Şükürovanın təşkilatçılığı ilə Novruz bayramı qeyd olunub.

Milli adət-ənənələrimizi tanıtmaq məqsədilə təşkil olunmuş tədbirdə Yaponiyadan və digər ölkələrdən olan nümayəndələr iştirak edib.

Minayə Şükürova Azərbaycan mətbəxinə aid müxtəlif təamlar, milli şirniyyatlar və Novruz bayramının əsas atributları haqqında qonaqlara ətraflı məlumat verib, eyni zamanda Azərbaycanın milli yeməyi olan plovun hazırlanması təlimi keçib. Bu təşəbbüs qonaqların böyük marağına səbəb olub. O özünün 3 dildə (yapon, rus və ingilis) hazırladığı və Novruz bayramının əsas atributları- Kosa, Keçəl, Bahar qızı, səməni, tonqal, milli şirniyyatların, eyni zamanda Xəzər dənizi, Qız Qalası, Atəşgah məbədi və Şirvanşahlar Sarayının fotolarının yer aldığı broşürləri qonaqlara hədiyyə edib.

Minarə Şükürova bundan öncə də Tanabe şəhər bələdiyyəsində Novruz tədbiri təşkil edərək orada çalışanlara bu bayramın adət-ənələrindən danışıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yaponiyanin-tanabe-seherinde-novruz-bayrami-qeyd-edilib-4465

 

]]> Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb https://globalgazetesi.com/yaponiyadaki-diaspor-t%c9%99skilatinin-r%c9%99hb%c9%99ri-bu-olk%c9%99nin-nufuzlu-mukafatina-layiq-gorulub-h53524.html Mon, 15 Jan 2024 19:33:28 +0000 https://1453kralmedya.com/yaponiyadaki-diaspor-t%c9%99skilatinin-r%c9%99hb%c9%99ri-bu-olk%c9%99nin-nufuzlu-mukafatina-layiq-gorulub-h53524.html

 

 

 

 

Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb
15 yanvar, 2024

 

 

Yaponiyadakı diaspor təşkilatının rəhbəri bu ölkənin nüfuzlu mükafatına layiq görülüb
Tokioda fəaliyyət göstərən Yaponiya-Azərbaycan Dostluq Mərkəzinin sədri, elektronika sahəsində tanınmış alim-tədqiqatçı Xəlil Kələntər 30-cu “International Display Workshops-2023” (IDW) seminarının nüfuzlu KUM mükafatına layiq görülüb.

 

 

 

Yaponiyanın Niiqata şəhərində keçirilən mükafatlandırma mərasimində üç alimə KUM mükafatı təqdim edilib. Xəlil Kələntər bu mükafata layiq görülən əcnəbi alim-tədqiqatçıların ilk nümayəndəsidir.

Xəlil Kələntər bildirib ki, displey sənayesinin üç korifeyi – Kobayashi, Uchiike və Mikoshibanın adını daşıyan KUM mükafatı bu sahədə əhəmiyyətli layihələr irəli sürən, elm və texnologiyanın sərhədlərini inkişaf etdirən tədqiqatçı-alimlərə təqdim edilir. KUM mükafatının təqdimat mərasimi IDW-nin (Displey üzrə Beynəlxalq Seminarlar) yarandığı gündən əməkdaşlıq və innovasiyaları təşviq edən qlobal displey ictimaiyyəti üçün mühüm hadisə hesab olunur.

 

 

 

Qeyd edək ki, 1993-cü ildə yaradılmış IDW displey sənayesində əməkdaşlığı, bu sahədə əldə edilən uğurların mübadiləsini və innovasiyanı inkişaf etdirmək məqsədi daşıyır və son illər təsirli platformaya çevrilib. İlk IDW tədbiri Yaponiyanın Hamamatsu şəhərində baş tutub. Ötən illər ərzində həmin seminarlar Kioto, Naqoya, Fukuoka, Sapporo kimi şəhərlərdə keçirilib.

 

 

 

1981-ci ildən Yaponiyada yaşayan Xəlil Kələntər Naqoya və Tohoku universitetlərində çalışıb, doktorluq dərəcəsi alıb. Dünyada ilk dəfə işıqla yönləndirilən mikro-reflektorlu və mikro-deflektorlu optik lövhələr yaradıb. Əsərləri ingilis, yapon, Çin və Koreya dillərində dərc olunub, çoxsaylı patent və ixtiraların müəllifidir. Təkcə Yaponiyada deyil, Amerika, Asiya və Avropada elektronika, yeni nəsil displey ekranlar sahəsində böyük mütəxəssis kimi tanınan alimə beynəlxalq konfranslarda Yaponiyanı təmsil etmək hüququ verilib.

 

 

 

Xəlil Kələntərin rəhbərlik etdiyi diaspor təşkilatı Azərbaycan həqiqətlərinin yapon ictimaiyyətinə çatdırılmasında, Azərbaycan mədəniyyətinin təbliğ olunmasında böyük rol oynayır.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yaponiyadaki-diaspor-teskilatinin-rehberi-bu-olkenin-nufuzlu-mukafatina-layiq-gorulub-4070

 

 

 

 

]]> İcma fəallarımız Sinqapurdakı “Beynəlxalq Gün” festivalına qatılıb https://globalgazetesi.com/icma-f%c9%99allarimiz-sinqapurdaki-beyn%c9%99lxalq-gun-festivalina-qatilib-h46913.html Mon, 26 Jun 2023 15:27:52 +0000 https://1453kralmedya.com/icma-f%c9%99allarimiz-sinqapurdaki-beyn%c9%99lxalq-gun-festivalina-qatilib-h46913.html

İcma fəallarımız Sinqapurdakı “Beynəlxalq Gün” festivalına qatılıb

, 2023

 

 

 

 

İcma fəallarımız Sinqapurdakı “Beynəlxalq Gün” festivalına qatılıb

 

 

 

Sinqapurda fəaliyyət göstərən Britaniya Beynəlxalq “Tanglin Trust” məktəbində keçirilən “Beynəlxalq Gün” festivalında Azərbaycan da təmsil edilib.

 

 

 

Festivalda Azərbaycanla yanaşı, Avstraliya, Finlandiya, İsveçrə, Çin, Pakistan, Ukraina, Koreya və Yaponiya kimi ölkələrin nümayəndələri də iştirak ediblər.

 

 

 

 

Övladları bu məktəbdə təhsil alan Azərbaycan icmasının fəalları Nigar Hamer, Nərgiz Ceyms və Fərəh Mövsümövanın təşkilatçılığı ilə yaradılmış Azərbaycan guşəsində ölkəmizin tarixini, mədəniyyətini, milli adət-ənənələrini və mətbəxini əks etdirən kitablar, suvenirlər, kəlağayılar, təamlar və məhsullar nümayiş etdirilib.

 

 

 

Azərbaycan guşəsi ilə maraqlanan ziyarətçilərə ölkəmiz barədə ətraflı məlumat verilib və suallar cavablandırılıb. Ziyarətçilər milli təamlarımıza qonaq edilib.

 

 

 

 

Qeyd edək ki, “Tanglin Trust” məktəbində 3 yaşından 18 yaşadək uşaqlar və gənclər təhsil alırlar.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/icma-feallarimiz-sinqapurdaki-beynelxalq-gun-festivalina-qatilib-3145

]]>