Қазақстан мен Иран президенттері шағын құрамда келіссөз жүргізді

Қазақстан мен Иран президенттері шағын құрамда келіссөз жүргізді https://t.co/mSEFFzlBbp pic.twitter.com/zKZL8c6I9x

— President Kassym-Jomart Tokayev’s Press Office (@AkordaPress) June 19, 2022

Жаңалықтар

Халықаралық қоғамдастық

Қазақстан мен Иран президенттері шағын құрамда келіссөз жүргізді

2022 жылғы 19 маусым

Иран Ислам Республикасы, Тегеран қаласы

Қасым-Жомарт Тоқаев Тегеранға ресми сапары барысында Иран Ислам Республикасының Президенті Ибрахим Раисимен шағын құрамда келіссөз жүргізді.

Келіссөзге дейін «Саадабад» кешенінде Мемлекет басшысын салтанатты түрде ресми қарсы алу рәсімі өтті. Құрмет Қарауылының бастығы екі ел басшыларына рапорт беріп, Қазақстан мен Иранның әнұрандары шырқалғаннан кейін Қасым-Жомарт Тоқаев пен Ибрахим Раиси «Джумхурия» сарайына келіп, бір-біріне ресми делегациялардың құрамын таныстырды.

Салтанатты рәсімнен кейін шағын құрамда кездесу өтті. Қасым-Жомарт Тоқаев ресми сапармен келуге шақырғаны үшін Ибрахим Раисиге ризашылығын білдірді.

– Ең алдымен, бізді ыстық ықыласпен қарсы алғандарыңыз үшін алғыс айтамын. Сіздің шақыруыңызды зор ризашылықпен қабылдадым. Президент ретінде Иран еліне алғаш рет келіп отырмын. Мен үшін бұл сапардың маңызы ерекше. Бүгінгі келіссөздеріміз екі елдің ынтымақтастығын дамытуға тың серпін береді деп сенемін. Қазақта «Көрші ақысы – тәңір хақысы» деген сөз бар. Біз – көршімен әрқашан тату болған елміз. Иран – Каспий жағасындағы жақын көршіміз, сенімді серіктесіміз, – деді Қазақстан Президенті.

Мемлекет басшысы елдеріміз арасында дипломатиялық қатынас орнағанына биыл 30 жыл толғанын атап өтті. Президенттің айтуынша, осы кезең ішінде ынтымағымыз артып, достығымыз нығая түсті.

– Жан-жақты байланысымыз қарқынды дамып келе жатыр. Бұған өзара сенімге негізделген саяси диалогтың арқасында қол жеткізіп отырмыз. Біздің үкіметаралық, парламентаралық және іскерлік кеңестеріміз бар. Сауда-экономикалық ынтымақтастығымыз кедергілерге қарамастан, жылдан-жылға артып келеді. Биылғы бірінші тоқсанда сауда-саттық 50 пайызға артты. Ендігі мақсат – осы қарқынды тоқтатпай, барынша көбейту. Оған біздің әлеуетіміз жетеді. Мен сіздің өзара серіктестікті дамытуға қосқан үлесіңізді жоғары бағалаймын. Қарым-қатынасымызды дамытуға бар күш-жігерімді жұмсауға әзірмін, – деді Мемлекет басшысы.

Қасым-Жомарт Тоқаев осы сапарының аясында маңызды шешімін жариялауға ұйғарым жасағанын айтты.

– Біз Иран азаматтарының Қазақстанда 14 күн визасыз жүріп-тұруына рұқсат береміз. Бұл түрлі саладағы ынтымақтастықты нығайтуға септігін тигізеді. Сондай-ақ, іскер топ өкілдерінің байланысын жандандырады. Барыс-келіске тың серпін беріп, туристердің көптеп келуіне ықпал етеді. Иран кәсіпкерлері осы жеңілдікті кеңінен қолданатынына сенімдімін, – деді Қазақстан Президенті.

Иран Ислам Республикасының Президенті Ибрахим Раиси Қасым-Жомарт Тоқаевқа ілтипат көрсетіп, шақыруын қабыл алғаны үшін алғыс айтты.

– Біз алғаш рет Душанбе саммитінде кездескен едік. Сізбен екінші рет Тегеранда жүздесіп отырғаныма қуаныштымын. Сіздің Президент ретінде келген бұл сапарыңыз екіжақты қарым-қатынастарымыздың дамуына тың серпін беретін ұлы бетбұрыс боларына сенімдімін, – деді Иран Президенті.

Кері қайту Кері қайту

kaynak:https://www.akorda.kz/kz/kazakstan-men-iran-prezidentteri-shagyn-kuramda-kelissoz-zhurgizdi-195491

🇰🇿 🇮🇷 Глава государства Касым-Жомарт Токаев по приглашению Президента Ибрахима Раиси прибыл с официальным визитом в Исламскую Республику Иран.

В Тегеране запланированы переговоры на высшем уровне, по итогам которых ожидается подписание ряда двусторонних документов. pic.twitter.com/JflyV9bVoJ

— President Kassym-Jomart Tokayev’s Press Office (@AkordaPress) June 19, 2022

🇰🇿🇮🇷 Иран Ислам Республикасының Президенті «Саадабад» кешенінде Қазақстан Президентін ресми қарсы алды. Құрмет Қарауылының бастығы екі ел басшыларына рапорт беріп, Қазақстан мен Иран Ислам Республикасының әнұрандары шырқалды. pic.twitter.com/4HswJqy098

— President Kassym-Jomart Tokayev’s Press Office (@AkordaPress) June 19, 2022

🇰🇿🇮🇷 Президент ИранА официально встретил Президента Казахстана в комплексе «Саадабад». Начальник Почетного караула отдал рапорт лидерам двух стран. После исполнения гимнов Казахстана и Ирана К. Токаев и И. Раиси представили друг другу членов официальных делегаций. pic.twitter.com/COvHJnoojr

— President Kassym-Jomart Tokayev’s Press Office (@AkordaPress) June 19, 2022

Қазақстан мен Иран президенттері шағын құрамда келіссөз жүргізді https://t.co/mSEFFzlBbp pic.twitter.com/zKZL8c6I9x

— President Kassym-Jomart Tokayev’s Press Office (@AkordaPress) June 19, 2022